Po ushqenin kafshët, vriten punonjësit e kopshtit zoologjik në Kharkiv

00:30 | 12 Mars 2022
Trina Galanxhi

Një punonjëse e kopshtit zoologjik pranë Kharkiv thotë se dy kolegë të saj u vranë nga bombardimet ruse.

Shoferi Andrii dhe inxhinieri i ngrohjes Vadim nuk ishin në gjendje të arrinin në strehën nëntokësore të kopshtit zoologjik kur filloi bombardimi, transmeton portal arbresh.info

Punonjësa tha se rreziku është të kalojnë nga qyteti ku jetojnë në një autobus që më pas i çon në një fshat në verilindje të Kharkiv ku ndodhet kopshti zoologjik.

“Sfida e parë është të arrish në autobus, pastaj të shikosh pas shkurreve, të lëvizësh pas autobusit, të shohësh nëse është e sigurt të hipësh…”, tha ajo.

Ecopark Feldman është shtëpia e të gjitha llojeve të kafshëve, duke përfshirë breshkat, papagajtë, kapibarat, kangurët, arinjtë dhe ujqërit.

Punonjësa ka deklaruar se tani për tani kanë ushqim të mjaftueshëm për kafshët, por ka theksuar se është ndërprerë furnizimi dhe është rritur frika se kafshët mund të mbesin pa ushqim shumë shpejt./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm